ЗША звярнуліся да Польшчы з запытам аб арышце рэжысёра Рамана Паланскі

• 30.10.2014, 15:55

Аналагічны запыт аб арышце і наступнай экстрадыцыі кінарэжысёра польская пракуратура ўжо разглядала ў 2010 годзе.

Аднак тады ў Польшчы пастанавілі, што, згодна з мясцовым заканадаўствам, скончыўся тэрмін даўнасці выстаўленага рэжысёру злачынства, паведамляе govoritmoskva.ru.

Паланскі прыбыў у Варшаву на гэтым тыдні з нагоды адкрыцця Музея гісторыі польскіх габрэяў.

80-гадовага рэжысёра абвінавачваюць у сэксуальнай сувязі з 13-гадовай дзяўчынкай. Суд у Лос-Анджэлесе завочна прызнаў яго вінаватым у спакушэнні непаўналетняй. Падзеі належаць да 1977 года.