Шэсце на «Дзяды» - 2 лістапада

• 27.10.2014, 15:43

Менскія ўлады дазволілі правядзенне шэсця і мітынгу, прысвечаных Дню памяці продкаў.

У адказе арганізатарам гарадскія ўлады паведамляюць, што з улікам досведу правядзення аналагічных мерапрыемстваў у мінулыя гады, цяпер акцыя, якая прызначаная на 2 лістапада, таксама дазваляецца - з агульнай колькасцю ўдзельнікаў да 5 тысяч чалавек, піша «Народная Воля».

Мерапрыемства пройдзе ў наступным парадку:

10: 30-11: 00 - збор удзельнікаў на пляцоўцы перад будынкам ААТ «Менскі гадзіннікавы завод» (праспект Незалежнасці, 95);

11: 00-14: 30 - дэманстрацыя па ходніках па маршруце: пляцоўка перад будынкам ААТ «Менскі гадзіннікавы завод» - праспект Незалежнасці - вуліца Каліноўскага - вуліца Сядых - вуліца Карбышава - вуліца Гамарніка - вуліца Мірашнічэнкі - Менская кальцавая аўтадарога (падземны пешаходны пад МКАД да ўрочышча «Курапаты»).

З 14.30 да 17.00 у Курапатах адбудзецца дазволены мітынг.