БЧ: Адбылася праграмная памылка, да вечара ўсё будзе выпраўлена
- 27.10.2014, 14:42
Супрацоўнікі беларускай чыгункі запэўніваюць, што беларускія цягнікі сталі рухацца паводле маскоўскага часу выпадкова.
Як паведаміў charter97.org прэс-сакратар Беларускай чыгункі Андрэй Баравы, памылка будзе выпраўленая самым бліжэйшым часам.
«Была проста лагічная памылка ў сістэме ў сувязі з пераходам на зімовы час, чыста тэхнічны момант. Сёння памылка будзе ліквідаваная», - сказаў ён.
Нагадаем, раней паведамлялася аб тым, што БЧ стала паказваць на сваіх квітках «маскоўскі» час прыбыцця замест беларускага.