У Кіраўску падчас пажару згарэла тысяча тон саломы

• 26.10.2014, 11:27

Амаль 1 тысяча тон ільняной трасты знішчаная ў выніку пажару ў Кіраўску.

У цэнтр аператыўнага кіравання Кіраўскага РАНС 25 кастрычніка ад мясцовага жыхара паступіла паведамленне аб пажары льнотрасты на тэрыторыі ААТ "Кіраўск-лён". Ратавальнікі, якія прыбылі да месца выкліку, выявілі, што гарыць ільнотраста адкрытым полымем па ўсёй плошчы падстрэшка, паведамілі charter97.org у Магілёўскім абласным упраўленні МНС Беларусі.

Пад навесам захоўвалася амаль 1 тысяча тон ільнотрасты ўраджаю 2014 года. У выніку пажару ўся салома знішчаная, пашкоджаны навес. Пацярпелых няма.

Прычыну пажару высвятляе Следчы камітэт.