Кавалак даху зваліўся на праспект у Гомелі перад аўтамабілем

• 23.10.2014, 12:20

Гомельскі аўтааматар рухаўся па праспекце Леніна, калі за некалькі метраў перад капотам на дарогу з грукатам зваліўся кавалак даху.

Ні слова не прамовіў аўтамабіліст. Відэа з рэгістратара размясціў у інтэрнэце. Растлумачыў толькі: «Знесла дах. Машыну спыніў інтуітыўна». На запісу, зробленым учора раніцай, відаць, як з даху дома ветрам зносіць 3-метровыя лісты бляхі і ізаляцыйнага матэрыялу. Усё гэта пралятае над людзьмі на прыпынку і акуратна плануе на сярэдзіну праезнай часткі, піша onliner.by.

Раней непадалёк, на скрыжаванні з вуліцай Інтэрнацыянальнай, з невялікім інтэрвалам адбыліся два ДТЗ, у якіх пацярпелі чатыры аўтамабілі.