Пасля матчу БАТЭ - «Шахцёр» затрымалі трох заўзятараў

• 22.10.2014, 9:53

Усе яны - грамадзяне Беларусі.

Учора на барысаўскім стадыёне БАТЭ пацярпеў поўны правал: разгромны лік 0:7. Родныя сцены не дапамаглі нашым футбалістам. Пасля футбольнага матчу былі затрыманыя тры заўзятары. Усе - грамадзяне Беларусі, паведамляе БелТА.

У дачыненні да дзевяці беларусаў было складзена 13 адміністрацыйных пратаколаў па арт.17.1 КаАП РБ (дробнае хуліганства), арт.17.3 (з'яўленне ў грамадскім месцы ў стане ап'янення) і ст.23.4 (непадпарадкаванне законнаму распараджэнню ці патрабаванню службовай асобы пры выкананні ім службовых паўнамоцтваў) . У дачыненні да ўкраінскіх фанатаў пратаколаў не складалася.

Міліцыя адзначае, што агулам, «заўзятары паводзілі сябе нармальна».