У Вільні закрылі справу ў дачыненні да начальніка УСК Менска

• 21.10.2014, 11:11

Акруговая пракуратура Вільні спыніла дасудовае расследаванне ў дачыненні да начальніка УСК Мінска Дзмітрыя Канапляніка.

Пра гэта charter97.org паведамілі ў прэс-службе СК.

«Паводле вынікаў праведзенага цягам месяца праваахоўнымі органамі Літоўскай Рэспублікі разгляду паводле факту выяўлення патронаў ў аўтамабілі начальніка УСК г. Менску, акруговай пракуратурай г. Вільні прынятая пастанова аб спыненні дасудовага расследавання ў дачыненні да яго і ягонай жонкі», - гаворыцца ў паведамленні СК РБ.

20 кастрычніка Канаплянік вярнуўся ў Беларусь.

«Двума тыднямі раней праваахоўнікамі Літвы была прынятая пастанова аб змяненні меры стрымання ў дачыненні да ягонай жонкі, якая адразу ж вярнулася ў Беларусь», адзначаецца ў паведамленні.

Цяпер начальнік УСК г. Менску прыступіў да выканання службовых абавязкаў, паведамляе СК.

Раней ведамства не выключыла, што Канапляніка падставілі, падкінуўшы яму ў машыну патроны падчас прыватнай паездкі ў Літву.