Расея абмежавала імпарт агародніны і садавіны з Беларусі

• 20.10.2014, 10:22

Абмежаванні пачалі дзейнічаць з 20 кастрычніка.

Пра гэта charter97.org паведамілі ў Рассельгаснагляд.

«Як ужо паведамлялася, пачасціліся выпадкі ўвозу на тэрыторыю Расеі з тэрыторыі Беларусі падкаранціннай прадукцыі. За два апошнія месяцы пастаўкі непрамаркаванай прадукцыі выяўленыя ў 82 выпадках. Гэта з'яўляецца парушэннем пунктам 45 Правілаў забеспячэння каранціну раслін пры ўвозе падкаранціннай прадукцыі на тэрыторыю Расеі, а таксама пры яе захоўванні, перавозцы, транспартаванні, перапрацоўцы і выкарыстанні, зацверджаных загадам Мінсельгаса Расеі ад 29.12.2010 № 456.

Пры ўвозе падкаранціннай прадукцыі невядомага паходжання немагчыма кваліфікавана ацаніць ці ўзнікаюць рызыкі, пагрозы і магчымая шкода ад яе паступлення на тэрыторыю Расеі. У сувязі з гэтым, для прадухілення дэстабілізацыі фітасанітарнай абстаноўкі на тэрыторыі Расеі, Рассельгаснагляд накіраваў зварот у Галоўную дзяржаўную інспекцыю насенняводства, каранціна і аховы раслін Мінсельгасхарча Беларусі аб тым, што з 20 кастрычніка гэтага года таварныя партыі непрамаркаваннай падкаранціннай прадукцыі не могуць увозіцца на тэрыторыю Расеі», - адзначылі там.

Рассельгаснагляд таксама нагадаў беларускаму боку, што ўвоз прадукцыі высокай фітасанітарнай рызыкі, транзітам па тэрыторыі Расеі з Беларусі ў Казахстан, вядзецца выключна праз пункты пропуску Чырвоны камень, Чырвоная горка і Лабок з указаннем канкрэтнага пункта ў графе «дадатковая дэкларацыя» і суправаджаючых прадукцыю фітасанітарных сертыфікатаў.