Спецаперацыя ў цэнтры Менска: АМАП затрымаў чатырох чалавек

• 18.10.2014, 18:25

Аперацыю затрымання правёў АМАП удзень 18 кастрычніка ў цэнтры Менска.

Прыкладнаа 15.00-15.30 на праспекце Незалежнасці каля Кастрычніцкай плошчы амапаўскі мікрааўтобус падрэзаў чырвоны ВАЗ 2109 з дзяржнумарам Віцебскай вобласці. Байцы АМАПу разбілі левае бакавое шкло і вывалаклі з аўто кіроўцу і трох пасажыраў, паклаўшы ўсіх тварам у асфальт, піша БелаПАН.

Затрыманыя - чацвёра маладзёнаў.

Неўзабаве пад'ехаў мікрааўтобус з афіцэрамі міліцыі і Следчага камітэта, пасля чаго затрыманых пагрузілі ў мікрааўтобус АМАПа.

Патлумачыць прычыны затрымання, а таксама ад іншых каментароў прадстаўнікі сілавых структур адмовіліся.