Парашэнка і Мэркель сустрэліся ў Мілане
- 16.10.2014, 20:58
Прэзідэнт Украіны сустрэўся з канцлеркай ФРГ.
Пра гэта гаворыцца ў паведамленні ў «Твітэры» кіраўніка ўкраінскай дзяржавы.
«На сустрэчы з фэдэральнай канцлеркай Нямеччыны - Ангелай Мэркель», - падпісаў Пётр Парашэнка ў мікраблогу фотаздымак з Мэркель.
Паведамляецца, што асаблівую ўвагу палітыкі надалі сітуацыі ў Данбасе.
«Падчас сустрэчы з Ангелай Мэркель асаблівую ўвагу звярнулі на важнасць імплементацыі менскіх дамоўленасцей і поўнае спыненне агню», - напісаў Парашэнка.
Таксама прэзідэнт Украіны сустрэўся з прэзідэнтам Італіі Джорджа Напалітана.
Заўтра Парашэнка ў Мілане павінен сустрэцца з расейскім калегам Уладзімірам Пуціным.