Сутыкненні ля Вярхоўнай Рады: ёсць пацярпелыя (Відэа)
- 14.10.2014, 12:34
Ля ўваходу ў Раду адбыліся сутыкненні паміж групай невядомых асобаў і сілавікамі.
Як паведамляе карэспандэнт УНІАН, невядомыя ўчынілі спробу прарвацца да ўваходу ў ВР. На падмацаванне да прадстаўнікоў праваахоўных органаў падышлі блізу сотні праваахоўнікаў у поўнай амуніцыі. Мітынгоўцы каля Вярхоўнай Рады закідвалі іх петардамі і з палкамі спрабавалі прабіцца скрозь іх кардон да будынка. Работнікі праваахоўных органаў адбіваліся ад дэманстрантаў дубінкамі.
У выніку сутыкнення пацярпелі не менш за 5 чалавек.
Пра гэта паведаміў валанцёр Чырвонага Крыжа Алег Вільчук.
Са слоў валанцёра, ад будынка парламента засігналіла 5 аўтамабіляў хуткай дапамогі. Адзін журналіст быў траўмаваны каменем, якія трапіў у галаву, двое пацярпелых ёсць з боку Нацгвардыі.
Раней у будынак Рады паляцелі петарды і «кактэйлі Молатава». Пра гэта з месца падзей паведамляў карэспандэнт "Обозревателя".
Праз некалькі гадзін большасць мітынгоўцаў сышла ад будынка Вярхоўнай Рады, і сутыкненні з праваахоўнікамі спыніліся.
Як паведамлялася раней, ля Рады праходзіў мітынг удзельнікаў Маршу УПА. Да свабодаўцаў ды іншых удзельнікаў Маршу, якія мітынгавалі ля Рады, далучыліся актывісты «Правага сектара». Сярод мітынгоўцаў былі бачныя іх сцягі. У будынак Вярхоўнай Рады Украіны кінулі «кактэйль Молатава» і некалькі піратэхнічных сродкаў.
У выніку выбухаў невядомых прадметаў тэрыторыя каля парламента была задымленая.
Як паведамляе censor.net.ua, падчас мітынгу ля парламента невядомыя таксама адкрылі агонь па вокнах Вярхоўнай Рады.
Гэтыя невядомыя прыйшлі да парламента ў той час, як Вярхоўная Рада Украіны двойчы не здолела ўключыць у парадак дня законапраект аб прызнанні Арганізацыі Украінскіх Нацыяналістаў і Украінскай паўстанцкай арміі ваюючым бокам у Другой сусветнай вайне за свабоду і незалежнасць Украіны.
Турчынаў датэрмінова закрыў пасяджэнне Рады праз штурм
Спікер Вярхоўнай Рады Украіны Аляксандр Турчынаў датэрмінова закрыў пленарнае пасяджэнне парламента ў аўторак, 14 кастрычніка.
«Пад сценамі Рады правакацыі, спробы штурму... У сувязі з тым, што ў Радзе прысутнічае менш, чым 226 дэпутатаў і ніводная пастанова не можа быць прынятая, я закрываю паседжанне», - паведаміў Турчынаў. Ён адзначыў, што Рада ўжо прыняла вельмі важныя законы сёння, прынамсі ўрадавы Антыкарупцыйны пакет. Турчынаў паведаміў, што правядзе кансультацыі аб правядзенні пазачарговага пасяджэння, на якім можна будзе прыняць запланаваныя пастановы.
Адзначым, сёння ў Радзе планавалася разгледзець яшчэ больш за 15 законапраектаў.
Раней паведамлялася, што да будынку Вярхоўнай Рады раніцай у аўторак, 14 кастрычніка, прыйшлі ўдзельнікі Маршу УПА, якія раней збіраліся на Майдане Незалежнасці. Актывісты праводзяць пікет з патрабаваннем прызнаць воінаў Украінскай паўстанцкай арміі барацьбітамі на незалежнасць Украіны.
http://censor.net.ua/cnPlayer.swf?vf=141014_vib