BE RU EN

Мяса і гародніна падаражэлі ў Беларусі

  • 14.10.2014, 11:05

У верасні гэтага года ў параўнанні са снежнем мінулага года больш за ўсё выраслі ў кошце сельскагаспадарчыя тавары.

Пра гэта гаворыцца ў справаздачы Нацыянальнага статыстычнага камітэта.

Сельскагаспадарчая прадукцыя за справаздачны перыяд вырасла ў кошце на 14,2%. Асабліва падаражэлі тавары жывёлагадоўлі - на 16,2%. Прадукцыя раслінаводства стала даражэйшай на 8,7%. Кошты прамысловых тавараў выраслі на 11,1%, у тым ліку на інвестыцыйныя тавары - на 6,9%, прамежкавыя тавары - на 10,7%, спажывецкія тавары - на 13,4%.

Тарыфы на перавозку грузаў усімі тыпамі транспарту ў верасні гэтага года ў параўнанні са снежнем мінулага года павялічыліся на 5,7%, на паслугі сувязі для прадпрыемстваў - на 12,3%.

Нагадаем, што харчовая інфляцыя ў студзені-верасні склалася на ўзроўні 16,6%. З пачатку года да верасня ўключна больш за ўсё падаражэлі мяса і птушка - на 33,1%, цукар - на 23,4%, а таксама каўбасныя вырабы і вяндліна - на 19%. Нехарчовая інфляцыя склалася на ўзроўні 6,1%. Кошты паслуг выраслі на 19,7%. Агульны паказнік інфляцыі ў Беларусі склаў 13,4%, піша Аграньюс.

Апошнія навіны