Прадпрымальнік з Віцебска стварае швэдры з «Пагоняй»

• 13.10.2014, 18:38

Добрыя навіны для патрыётаў напярэдадні халадоў.

Прадпрымальнік Уладзімір Рамановіч, які ўжо стварае сшыткі і школьныя альбомы з «Пагоняй», наважыў заняцца адзеннем. Прынамсі, напярэдадні зімы ён стварыў макеты і ўжо знайшоў вытворцаў цёплых швэдраў для беларусаў. Ён распавёў charter97.org, колькі будуць каштаваць «патрыятычныя» швэдры, і гарантуе якасць пакупнікам.

«Вытворчасць швэдраў будзе беларускай. Сёння былі на адным прадпрыемстве і размаўлялі пра якасць і пра выяву. Спачатку я сам буду на сабе гатовы швэдар выпрабоўваць. Матэрыялы для швэдраў будуць двух тыпаў - з лёну з бавоўнай і з воўны з акрылам. Кошт будзе блізу 550 - 650 тысяч без уліку дастаўкі, магчымая высылка па Беларусі і па ўсім свеце», - распавёў ён.