«Майстар-клас» у выратаванні хатніх жывёл (Відэа)

• 13.10.2014, 15:47

Расейскі вайсковец правёў спецаперацыю выратавання ката, які забраўся на вяршыню бярозы ў Ніжнім Ноўгарадзе.

Гэтая гісторыя адбылася яшчэ ў сакавіку 2014 года. Знаходлівы вайсковец ужыў некалькі спосабаў, каб прымусіць спалоханую жывёліну спусціцца з дрэва. У ход пайшлі бялізнавыя вяроўкі, рулон туалетнай паперы і сякера.

У выніку, кот Барсік шчасна быў выратаваны. Праўда, мяркуючы з відэароліка, апублікаванага на сэрвісе YouTube, ён быў не вельмі рады сустрэчы са сваімі гаспадарамі.