Беларускія баскетбалісткі ўвайшлі ў сусветны топ-10

• 11.10.2014, 11:20

Пасля чэмпіянату свету ў баскетболе сярод жанчын зборная Беларусі паднялася на 9 месца ў сусветным рэйтынгу нацыянальных каманд.

Спіс складзены Міжнароднай федэрацыяй баскетбола, піша 5min.by.

У турэцкім Стамбуле нашы суайчынніцы ў 1/8 фіналу не змаглі адолець кітаянак і завяршылі выступленне на турніры. Чэмпіёнкамі планеты сталі амерыканскія баскетбалісткі, якія перамаглі гішпанак, трэцяе месца занялі аўстралійкі.

Зборная ЗША лідзіруе ў топ-10 лепшых жаночых дружын свету, на другой пазіцыі знаходзіцца Аўстралія, а тройку лідэраў замыкае Гішпанія. Далей у рэйтынгу размясціліся Францыя, Расея, Чэхія, Бразілія, Кітай, Беларусь і Канада.