Зміцера Вайцюшкевіча афіцыйна выключылі з «чорнага спісу»
- 1.10.2014, 16:37
Выканаўца рыхтуецца да першага легальнага сольнага канцэрта пасля трохгадовага перапынку.
Менгарвыканкам выдаў гастрольнае пасведчанне на канцэрт Зміцера Вайцюшкевіча. Выступ запланаваны на 29 кастрычніка ў ДК ім. Шарко ў Менску. Пра гэта выканаўца паведаміў парталу Tuzin.fm.
«Безумоўна, радуюся магчымасці зноў з'явіцца перад публікай, рыхтую з гэтай нагоды разам з WZ-orkiestra праграму з лепшых песень, а калі квіткі добра пойдуць, то заявім яшчэ адзін канцэрт з прэзентацыяй шансон-праграмы», - адзначыў Зміцер.
Апошні афіцыйны канцэрт Вайцюшкевіч даў 8 сакавіка 2011 года, пасля чаго апынуўся ў «чорным спісе». Упершыню за тры гады выканаўца легальна выступіў на прэзентацыі праекта «Re: Песняры». Выступ узгаднялася на ўзроўні адміністрацыі прэзідэнта.