Крэмль перадумаў даваць крэдыт Януковічу?

• 28.01.2014, 19:18

Расейская Федэрацыя можа перагледзець сваю прапанову Украіне аб прадстаўленні $15 млрд, калі ўкраінская ўлада наважыць звярнуць з курсу збліжэння з Масквой.

Пра гэта са спасылкай на высокапастаўленага расейскага чыноўніка, піша The Wall Street Journal.

«Ніякай пастановы пакуль няма, але відавочна, што далейшая выдача крэдыту будзе перагледжаная ў выпадку, калі ўрад Мікалая Азарава будзе адпраўлены ў адстаўку», - заявіла крыніца на правах ананімнасці.

Агенцтва Bloomberg паведамляе, што ўкраінскія даўгавыя паперы значна патаннелі на фоне адстаўкі Азарава, піша gazeta.ua.

У каментары выданню аналітыкі JPMorgan адзначылі, што гэта палягчае выхад Украіны на знешнія рынкі пазык і зніжае неабходнасць у фінансавай дапамозе ад Расеі.

Нагадаем, што сёння прэзідэнт Украіны прыняў адстаўку прэм'ер-міністра Мікалая Азарава і Кабінета міністраў. Раней РФ і Украіна дасягнулі дамоўленасцей аб прадстаўленні Кіеву $15 млрд крэдыту часткамі. Першы транш - $3 млрд - украінскі бок атрымаў напрыканцы мінулага года.

Фота: Sergei Supinsky/AFP