Рэспубліка Ужупіс - за Еўрамайдан

• 27.01.2014, 11:50

Літоўская Рэспубліка Ужупіс выказала падтрымку Еўрамайдану і ўсім украінцам.

У знак падтрымкі лагатып Ужупіс быў перафарбаваны ў колеры ўкраінскага сцяга, паведамляе «Новый регион».

Еўрамайдан першапачаткова па сваёй сутнасці вельмі моцна быў падобны па сваімстварэнні на незалежную рэспубліку Ужупіс у Вільні. Яна ў свой час таксама стваралася як выклік групы аднадумцаў існуючым ўстоям

Ужупіс (Užupis, Зарэчча) - раён Вільні, часткова размешчаны ў Старым горадзе. У 1997 годзе яго жыхары абвясцілі Рэспубліку Ужупіс са сваім уласным сцягам, прэзідэнтам, канстытуцыяй і нават войскам з 12 чалавек. Яны святкуюць напаўжартоўны дзень незалежнасці 1 красавіка. Зараз Ужупіс мае сваю валюту, гімн, мытню, ганаровых грамадзян, паслоў і консулаў у 320 месцах свету, выбары і карнавалы.

Нагадаем, Літва ўжо не аднойчы выступала з крытыкай сітуацыі, якая склалася ва Украіне. Так, Міністэрства замежных спраў Літвы глыбока ўражана смерцю некалькіх удзельнікаў пратэстаў на Еўрамайдане і вялікай колькасцю параненых.