Амерыканцы патрабуюць забараніць пражыванне ў ЗША Джасціну Біберу

• 25.01.2014, 8:07

Грамадзянскія актывісты ў ЗША пачалі кампанію за высяленне 19-гадовага канадскага поп-спевака Джасціна Бібера за межы краіны.

Пра гэта паведамляе брытанская тэлерадыёвяшчальная карпарацыя Бі-бі-сі.

«Мы, грамадзяне ЗША, мяркуем, што поп-культура скажае ўяўленне пра нас. Мы хацелі б, каб небяспечны, дэструктыўны, безадказны аматар наркотыкаў Джасцін Бібер быў дэпартаваны і пазбаўлены віду на жыхарства. Ён не толькі пагражае бяспецы нашых грамадзян, але і аказвае жахлівы ўплыў на моладзь», - сказана ў петыцыі, размешчанай на сайце Белага Дома.

Паводле ўстаноўленага парадку, для разгляду петыцыі да 22 лютага яна павінна сабраць 100 тыс подпісаў. На гэты момант у падтрымку ініцыятывы выказалася амаль 2,6 тыс амерыканскіх грамадзян.

У чацвер Бібер быў арыштаваны ў Маямі за язду ў нецвярозым выглядзе: згодна з паведамленнямі паліцыі, юнак тады злоўжыў адначасова алкаголем і марыхуанай. Пазней спевака адпусцілі пад заклад.