Байцы львоўскага «Беркута» пішуць заявы аб звальненні (Відэа)
- 24.01.2014, 12:20
Байцы спецпадраздзялення «Беркут» у Львове кажуць, што пішуць заявы аб звальненні.
Як паведамляе карэспандэнт «Радіо Свабода», адзін з «беркутаўцаў» выйшаў з часткі на вуліцы Рубчака ў Львове і сказаў людзям, што напісаў заяву аб звальненні. Так, паводле яго слоў, паступілі і многія яго калегі.
«Беркутавец» сказаў, што больш не можа трываць тое, што адбываецца ў краіне.
З вечара нядзелі львавяне блакуюць усе выезды ваенных унутраных войскаў і спецпадраздзялення «Беркут».
Між тым, у будынку абласной дзяржадміністрацыі застаюцца мітынгоўцы. Чыноўнікаў АГА на працу не пусцілі, у будынку знаходзіцца штаб Народнай рады Майдана. Людзі кажуць, што падпарадкоўваюцца абласному савету, які павінен стварыць выканкамы. Вакол АГА ўзвялі вялікую барыкаду.