Кошты на газ выраслі на 20%

• 24.01.2014, 8:54

Кошт газу вырас другі раз за тры месяцы.

Адпаведнае рашэнне зацверджана пастановай Мінэканомікі ад 17 студзеня 2014 года №1.

У ім гаворыцца пра тое, што ў Беларусі на 20% павышаюцца гранічныя максімальныя адпускныя кошты на газы вуглевадародныя звадкаваныя паліўныя для камунальна-бытавога спажывання.

У пачатку года былі ўстаноўленыя новыя гранічныя максімальныя кошты на прыродны газ для юрыдычных асоб і індывідуальных прадпрымальнікаў. Гэта было прадугледжана пастановай Міністэрства эканомікі №96 ад 24 снежня 2013 года. Гранічныя максімальныя адпускныя кошты на газы вуглевадародныя звадкаваныя паліўныя для камунальна-бытавога спажывання апошні раз павышаліся 5 лістапада.

Фота: unian.net