Лукашэнка павіншаваў Кім Чэн Ына і Рахмона

• 9.09.2013, 11:45

Беларускі кіраўнік разаслаў віншаванні дыктатарам.

Лукашэнка павіншаваў першага старшыню Дзяржаўнага камітэта абароны КНДР Кім Чэн Ына і народ гэтай краіны з Днём утварэння Карэйскай Народна-Дэмакратычнай Рэспублікі, паведамляе прэс-служба беларускага кіраўніка.

Таксама ён накіраваў віншаванне кіраўніку Таджыкістана Эмамалі Рахмону з нагоды Дня незалежнасці гэтай краіны.

«Дружалюбныя сувязі, якія гістарычна склаліся паміж нашымі народамі, з'яўляюцца трывалай асновай для далейшага раскрыцця значнага патэнцыялу беларуска-таджыкскіх адносінаў», - адзначыў ён.

Лукашэнка таксама выказаў упэўненасць, што «плённае супрацоўніцтва паміж Рэспублікай Беларусь і Рэспублікай Таджыкістан будзе і ў далейшым развівацца на аснове партнёрства, узаемнага даверу і канструктыўнага дыялогу».

Фота: EPA