Стаўка на міжбанку сягнула за 40% гадавых праз попыт на валюту

• 3.09.2013, 21:29

Павышаны попыт насельніцтва на валюту, збольшага за кошт пераводу рублёвых дэпазітаў у валютныя, узмацніў дэфіцыт рублёвай ліквіднасці ў банкавай сістэме.

Гэта ў выніку адбілася на росце стаўкі міжбанкавых крэдытаў нягледзячы на папераджальныя захады з боку Нацбанка Беларусі (падтрымка ліквіднасці).

Сёння, 3 верасня, сярэднеўзважаная стаўка АФН аднадзённых рублёвых міжбанкавых крэдытаў склала 41,45%, павялічыўшыся на 2,34 адсоткавых пункты ў параўнанні з папярэднімі таргамі.

Угоды ўкладаліся ў межах 39,5-42% супраць 38-40% напярэдадні.

Паводле звестак Нацбанка, дэфіцыт ліквіднасці ў банкавай сістэме на раніцу 3 верасня дасягнуў 4,7 трлн рублёў супраць 2,6 трлн рублёў у панядзелак.