Рамонт «Дружбы» зацягнецца на пяць гадоў
- 3.09.2013, 17:08
«Транснефть» плануе працягнуць правядзенне планавай замены труб на нафтаправодзе «Дружба» да 2018 года.
Пра гэта ІТАР-ТАСС паведаміў афіцыйны прадстаўнік транспартнай манаполіі Ігар Дзёмін.
Паводле яго слоў, гаворка таксама ідзе пра замену лінейнай часткі трубаправода «Куйбышаў - Наварасійск».
Дзёмін падкрэсліў, што рамонтныя працы патрабуюць асобага рэжыму работы трубаправоднай сістэмы - з «паніжэннем ціску», што, у сваю чаргу, прыводзіць да скарачэння аб'ёмаў прапампоўвання па нафтаправодах.
Як адзначыў афіцыйны прадстаўнік «Транснефти», дыягностыка трубаправодаў, праведзеная ў 2010 годзе, выявіла неабходнасць замены значнай часткі вышэйназваных нафтаправодаў, і гэта не выпадкова.
«У архіве «Транснефти» ёсць тэлеграма, датаваная 1976 годам, дзе міністэрства нафты СССР дае дазвол на выкарыстанне труб вялікага дыяметра з паніжанай ударнай глейкасцю для будаўніцтва трубаправодаў», - кажа Дзёмін. Гаворка ідзе пра трубы Харцызскага завода, якія тады ўкладваліся на дадзеных нафтаправодах у другой палове 70-х. Трубы, выкладзеныя на нафтаправодзе «Дружба 1» у 1964 годзе значна больш трывалыя, дадаў ён. Трубы з паніжанай ударнай глейкасцю, растлумачылі эксперты, выкарыстоўваюцца для анамальна нізкіх тэмператур і пры нармальным тэмпературным рэжыме вельмі далікатныя.
Нядаўняя аварыя ў Валгаградзе паказала, што трубы ўкраінскага завода могуць не вытрымаць ціску ў любы момант, бо планавая замена павінна была адбыцца ўжо ў лістападзе, заўважыў Дзёмін.
Па словах афіцыйнага прадстаўніка «Транснефти», у перыяд да 2018 года плануецца замяніць на нафтаправодзе «Дружба» 1500 км, у напрамку Наварасійска і па асобных участках Прыволжскнафтаправод - 1300 км.
У 2010 годзе на «Дружбе» было заменена 2 км труб, у 2011 годзе - 243 км, у 2012 годзе - 265 км. Праца працягваецца, дадаў Дзёмін.
Акрамя таго, сказаў ён, «Транснефть» вядзе паралельна працу з дэфектамі , на «Дружбе» ў 2013 годзе плануецца павялічыць ліквідацыю дэфектаў у 3 разы да 2000 участкаў.
Нагадаем , на мінулым тыдні «Транснефть» абвясціла пра скарачэнне паставак нафты ў Беларусь на 400 тыс тон з-за правядзення рамонтных работ на «Дружбе».