Пад Слуцкам міліцыянты скасілі гектар канопляў

• 3.09.2013, 16:47

Менскія наркакантралёры знішчылі гектар канопляў падчас спецаперацыі «Мак».

Аператыўнікамі аддзялення па наркакантролі і супрацьдзеянні гандлю людзьмі Маскоўскага РУУС сталіцы сумесна з іх калегамі са Слуцкага РАУС у ходзе правядзення комплексу аператыўна-вышуковых мерапрыемстваў па спецыяльнай праграме «МАК» былі выяўленыя і ліквідаваныя пасевы канопляў агульнай плошчай у адзін гектар, паведамляе прэс-служба ГУУС Менгарвыканкама.

Вага знішчанага «матэрыялу» для вытворчасці марыхуаны склала каля паўтары тон.