На наступным тыдні абяцаюць «бабіна лета»

• 3.09.2013, 11:44

Цыклон Ленард сыходзіць з Беларусі, замест яго прыйдзе антыцыклон Ханна.

Зараз цэнтр цыклона Ленард (такое імя яму далі нямецкія метэаролагі) знаходзіцца над Менскай вобласцю. Пакрыццё дарог застаецца мокрым, перавышэнне хуткасці багатае заносамі. Але ў бліжэйшы час вецер пачне сціхаць і дажджы спыняцца. Прыйдзе антыцыклон Ханна, і наступіць класічнае бабіна лета, распавялі onliner.by у Рэспубліканскім гідраметэацэнтры.

- Цыклон Ленард змяшчаецца з Балтыкі на паўднёвы ўсход - у бок Украіны, - распавялі ў гідраметэацэнтры. - Сёння ападкі пройдуць на большай частцы тэрыторыі краіны. Але з заўтрашняга дня надвор'е пачне паляпшацца, а да выходных ва ўсёй Беларусі ўстановіцца спрыяльнае надвор'е. У суботу і нядзелю чакаецца +16-22 градуса па Цэльсіі.

Па словах сіноптыкаў, гэта класічнае бабіна лета, калі пасля кароткачасовага пагаршэння надвор'я прыходзіць антыцыклон і ўстанаўліваецца цёплае сухое надвор'е. Ён атрымаў ад нямецкіх метэаролагаў назву Ханна.

- Аднак у бліжэйшыя дні асабліва на паўднёвым усходзе краіны яшчэ будуць ападкі, па раніцах туманы. Кіроўцам трэба быць асцярожней, - папярэджваюць у гідраметэацэнтры.