Пяскоў: Пуцін і Лукашэнка могуць сёння закрануць тэму «Уралкалію»

• 26.09.2013, 11:19

Прэс-сакратар прэзідэнта РФ анансаваў абмеркаванне Пуціным і Лукашэнкам справы «Уралкалію».

Кіраўнікі Расеі і Беларусі Уладзімір Пуцін і Аляксандр Лукашэнка, якія, як чакаецца, у чацвер разам будуць назіраць за ходам ваенных вучэнняў, могуць абмеркаваць справу «Уралкалію», паведаміў «Русской службе новостей» прэс-сакратар кіраўніка расейскай дзяржавы Дзмітрый Пяскоў.

Пяскоў удакладніў, што парадак дня прадугледжвае зусім іншую тэму, але нельга выключаць, што і гэтая праблема будзе закранутая.

У чацвер стала вядома, што затрыманаму ў канцы жніўня ў Менску гендырэктару «Уралкалію» Уладзіславу Баўмгертнеру змянілі меру стрымання з утрымання пад вартай на хатні арышт.