Іванішвілі пацвердзіў сваю будучую адстаўку

• 2.09.2013, 16:58

Прэм'ер-міністр Грузіі апублікаваў адкрыты ліст да грузінскага грамадства, у якім пацвердзіў свой намер пакінуць пасаду кіраўніка ўрада.

Пасля маючых адбыцца 27 кастрычніка прэзідэнцкіх выбараў Бідзіна Іванішвілі наогул збіраецца сысці з палітыкі, перадае BBC.

Іванішвілі нагадаў, што калі ён абвясціў пра сваё рашэнне пачаць палітычную кар'еру, ён адразу вызначыў тэрмін сваёй дзейнасці ў 2-3 гады і акрэсліў шэраг жыццёва важных для Грузіі пытанняў, на вырашэнні якіх меў намер засяродзіць свае намаганні.

У іх ліку прэм'ер назваў выкараненне карупцыі ў вышэйшых эшалонах улады, стварэнне незалежнай судовай сістэмы, адраджэнне бізнесу ў Грузіі, наладжванне адносінаў з Расеяй, паглыбленне сувязяў з Захадам і многае іншае.

Прэм'ер выказаў упэўненасць, што ўрад, які ён стварыў пасля перамогі кааліцыі «Грузінская мара» на парламенцкіх выбарах у кастрычніку 2012 года, будзе эфектыўна працаваць над вырашэннем гэтых праблем.

Па словах Бідзіны Іванішвілі, «грамадства не павінна быць у пастаянным чаканні месіі і выратавальніка».

Як адзначае кіраўнік грузінскага ўрада, у краіне распаўсюджаны «эмацыйны патрыятызм» : па меркаванні Іванішвілі, людзі прагаласавалі за яго партыю, не асоба разбіраючыся ў тым, якую праграму яна прапануе, а проста з непрыязнасці да прэзідэнта Міхаіла Саакашвілі.