«Космас ТБ» Зайцава лёг

• 14.09.2013, 12:51

Карыстальнікі «Космас ТБ» не могуць патрапіць у інтэрнэт.

Праблемы з доступам да Сеткі пачаліся ўвечары ў пятніцу і працягваюцца да гэтага часу. Прэс-служба кампаніі паведамляе аб тым, што вядуцца аднаўленчыя работы.

«Па тэхнічных прычынах па некаторых адрасах часова адсутнічае доступ у Інтэрнэт. Вядуцца аднаўленчыя работы.

У выпадку адсутнасці доступу ў Інтэрнэт рэкамендуецца перазагрузіць кабельны мадэм. Для гэтага націсніце на адваротным баку мадэма кнопку «Reset» і пачакайце некалькі хвілін. Пры наяўнасці Wi-Fi роўтэра, таксама неабходна выканаць яго перазагрузку, адключыўшы ад сілкавання на 10 секунд», - гаворыцца ў паведамленні.

Нагадаем, у чэрвені «Космас ТВ» паведаміў аб прызначэнні новага генеральнага дырэктара - неўязнога ў ЕЗ былога кіраўніка КДБ Беларусі Вадзіма Зайцава і пачатку работы новых органаў кіравання ў кампаніі назіральнага савета і дырэкцыі.