Выбух у Бабруйску: разбураны жылым дом (Фота)

• 8.08.2013, 16:09

Прычына выбуху высвятляецца.

8 жніўня раніцай у ЦАУ Бабруйскага ГРАНС паступіла паведамленне аб выбуху жылога дома па вул. Цэнтральная ў в. Іванаўка Бабруйскага раёна.

Пасля прыбыцця першага падраздзялення было ўстаноўлена, што ў доме 7х12м адбыўся выбух без наступнага гарэння. Са слоў суседзяў у доме можа знаходзіцца гаспадыня. Дом знаходзіцца на балансе СВК «калгас ім. Дзяржынскага» і зроблены з газасілікатных блокаў, аднапавярховы, перакрыцце з жалезабетонных пліт. Дах шыферны па драўлянай абрашотцы, падключаны да электразабеспячэння, паведамляе прэс-служба МНС.

Гаспадыня дома, 1978 г.н., знаходзіцца ў дэкрэтным адпачынку па доглядзе за дзіцем, пражывае з чатырма дзецьмі.

6 жніўня 2013 года ўсе дзеці размешчаныя ва ўстанове адукацыі «Бабруйскі раённы сацыяльна - педагагічны цэнтр» ў в. Міхалёва-1 Бабруйскага раёна. Са слоў суседзяў сям'я характарызуецца здавальняюча, стаяла на ўліку ў аддзеле адукацыі Бабруйскага раённага выканаўчага камітэта, як шматдзетная сям'я.

У выніку выбуху адбылося абвальванне даху, перакрыццяў і сценаў дома, пашкоджаная маёмасць. Пры разборцы завалаў пад плітой перакрыцця знойдзены труп гаспадыні дома. Прычына выбуху высвятляецца.