Дайверы знайшлі ўнікальныя даспехі ХVI стагоддзя пад Мсціслаўлем

• 26.08.2013, 13:17

Рыцарскія даспехі ўзростам ў 500 гадоў выяўленыя ў рацэ Віхры ў Мсціслаўскім раёне.

Знаходка чакала дайвераў на глыбіні трох з паловай метраў, паведамляе тэлеканал ОНТ. Там рарытэты праляжалі з 1502 года, калі, як сведчаць летапісы, войскі Маскоўскага княства напалі на замак Мсціслава. Рэшткі ўмацаванняў да гэтага часу прыкметныя на левым беразе Віхры.

Уладальнікам даспехаў, хутчэй за ўсё, быў шляхціц - занадта вялікі кошт такіх аксесуараў. Часам іх стварэння навукоўцы вызначаюць канец XV стагоддзя. Верагодней за ўсё, на памежныя землі гістарычных Літвы і Русі яны трапілі з Германіі.

Асабліва каштоўны факт для археолагаў: пад сталёвым панцырам захаваліся фрагменты льняной кашулі, скуранога кафтана і кальчугі. Таксама ў камплекце ёсць шлем і фрагменты сталёвых латаў. На прасторах СНД падобныя экспанаты вядомыя толькі ў калекцыі Зброевай палаты Маскоўскага крамля. Пасля рэстаўрацыі знаходку прадставяць публіцы ў Мсціслаўскім музеі.