У Слоніме смеццявоз насмерць збіў пенсіянера

• 15.08.2013, 12:19

Няшчасны выпадак адбыўся ў прыватным сэктары райцэнтра.

Кіроўца машыны пасля загрузкі смецця пачаў рух, але раптам адчуў нешта дзіўнае. Ён выйшаў з смеццявоза і ўбачыў пад машынай мужчыну, які не рухаўся, паведамляе БелаПАН.

Пенсіянер спрабаваў абыйсці грузавік спераду, а кіроўца яго не заўважыў. Ад траўмаў 73-гадовы жыхар Слоніма сканаў.