Вольга Гайдукова: Другое спатканне з сынам было 18 ліпеня, трэцяе, спадзяюся, будзе ў жніўні

• 13.08.2013, 18:05

Маці палітвязня Андрэя Гайдукова ўдакладніла інфармацыю пра сваё спатканне з сынам.

«Першым разам я змагла ўбачыць яго адразу пасля суда. Спатканне мне тады былі абавязаныя падаць паводле закону. Да таго ж, на працягу васьмі месяцаў я ні разу не бачыла і не чула сына. Наступнае спатканне дазволілі 18 ліпеня», - распавяла Вольга Гайдукова ў інтэрв'ю сайту charter97.org.

Маці палітвязня разлічвае ўбачыць Андрэя Гайдукова і ў жніўні.

«Мне сказалі, што спатканні дазволеныя раз на месяц, таму я спадзяюся ўбачыць сына пасля 18 жніўня», - сказала яна.

Нагадаем, 1 ліпеня актывіста апазіцыі Андрэя Гайдукова прызналі вінаватым у спробе ўсталявання кантактаў з замежнай выведкай і прысудзілі да 1,5 гадоў калоніі. Прысуд яму вынес Віцебскі абласны суд, а пасяджэнне праходзіла ў закрытым рэжыме.

Сёння раніцай сайт charter97.org паведамляў аб другім спатканні Вольгі Гайдукова з сынам, аднак у нататцы не была паказаная дата іхнай сустрэчы.