Экс-кіраўнік Жыткавіцкага райвыканкама трапіўся на страхоўцы
- 16.05.2013, 18:17
У дачыненні да былога старшыні Жыткавіцкага райвыканкама Мікалая Какоры распачатая крымінальная справа паводле ч. 3 арт. 426 КК РБ (перавышэнне ўлады або службовых паўнамоцтваў асобай, якая займае адказнае становішча).
Пра гэта паведамляе Следчы камітэт РБ.
Былы чыноўнік падазраецца ў незаконным атрыманні страхавой выплаты ў сувязі з пашкоджаннем службовага аўтамабіля, чым нанёс шкоду Белдзяржстраху больш як на Br100 млн.
Какора быў вызвалены ад пасады ўказам Лукашэнка 23 красавіка «за грубае парушэнне службовых абавязкаў і ўчыненне правіны, несумяшчальнай са знаходжаннем на дзяржаўнай службе».