Рэліквіі Яна Паўла II унеслі ў Чырвоны касцёл

• 3.04.2013, 17:27

Урачыстае ўнясенне рэліквій бласлаўлёнага Яна Паўла II у менскі касцёл святых Сымона і Алены адбылося 2 красавіка ў восьмую гадавіну смерці пантыфіка.

Рэліквіі будуць захоўвацца ў правым бакавым алтары святыні, піша БелаПАН.

Рэлікварыі з крывёю бласлаўлёнага па просьбе настаяцеля прыходу ксяндза Уладзіслава Завальнюка перадаў мітрапаліт Кракаўскі кардынал Станіслаў Дзівіш, былы асабісты сакратар папы Яна Паўла II.

Літургію з нагоды ўрачыстага ўнясення рэліквій ўзначаліў мітрапаліт Менска-Магілёўскі арцыбіскуп Тадэвуш Кандрусевіч.

Святую імшу канцэлябравалі апостальскі візітатар для грэка-каталікоў у Беларусі архімандрыт Сяргей Гаек, ксёндз Уладзіслаў Завальнюк і святары прыходу.