«Беларусбанк» папярэджвае пра перапынкі ў абслугоўванні карт

• 29.04.2013, 17:36

Перапынкі ў абслугоўванні пластыкавых карт магчымыя ў Беларусі 30 красавіка з 2.00 да 6.00.

Пра гэта гаворыцца на афіцыйным сайце «Беларусбанка».

«ААТ «АСБ Беларусбанк» паведамляе, што 30 красавіка 2013 года ў перыяд часу з 02:00 да 06:00 у сувязі з правядзеннем банкам прафілактычных работ на абсталяванні, якое забяспечвае функцыянаванне сістэмы кіравання каналамі дыстанцыйнага банкаўскага абслугоўвання, магчымыя перапынкі ў абслугоўванні трымальнікаў картак у сетцы інфакіёскаў банка, а таксама ў Інтэрнэт-банкінгу, М-банкінгу і SMS-банкінгу», - гаворыцца ў паведамленні «Беларусбанка».

Банк прыносіць прабачэнні за часовыя нязручнасці.