Горкі развальваюцца пасля «Дажынак»

• 16.04.2013, 10:36

Каля амфітэатра, які пабудавалі ў Горках да леташніх «Дажынак», паваліўся слуп з ліхтаром вулічнага асвятлення.

Ён з коранем вывярнуў плітку, піша мясцовы сайт horki.info.

Нагадаем, што ў суботу стала вядома, што тут жа, каля амфітэатра, правалілася плітка. Яма атрымалася даволі глыбокая.

Плітка разышлася і ў іншым месцы берага возера.

Раней паведамлялася, што на «Дажынкі» ў Горках быў выдаткаваны трыльён рублёў (па сённяшнім курсе, гэта амаль 116 мільёнаў даляраў).