Лукашэнка дазволіў аддаваць ЕАБР зямлю ў якасці закладу

• 15.04.2013, 19:10

Лукашэнка дазволіў аддаваць Еўразійскаму банку развіцця зямельныя дзялянкі ў якасці закладу за крэдыты. Указ № 186 быў падпісаны 15 красавіка 2013 года.

«...Прадугледжваецца наданне Еўразійскаму банку развіцця права выступаць закладатрымальнікам зямельных надзелаў у прыватнай уласнасці і права арэнды зямельных надзелаў, якія з'яўляюцца прадметам гіпатэкі, закладу, пры ўкладанні названым банкам умоў пазыкі і (або) крэдытных умоў з рэзідэнтамі РБ», - значыцца ў афіцыйным каментары.

ЕАБР з'яўляецца кіраўніком сродкаў Антыкрызіснага фонду ЕўрАзЭС і непасрэдна пералічвае Беларусі раты стабілізацыйнага крэдыту.