Суд адмовіўся разглядаць скаргу Лойкі па-беларуску
- 5.03.2013, 17:58
У Менскім гарадскім судзе адбыўся разгляд касацыйнай скаргі скульптара Геніка Лойкі на прысуд суддзі Фрунзенскага раённага суда Людмілы Лапо.
За акцыю ў дзень абароны роднай мовы 21 лютага каля менскай гімназіі № 4 Лойка быў прысуджаны да 5 сутак адміністрацыйнага арышту, перадае «Радыё Свабода».
Лойка хадайнічаў, каб разгляд вёўся па-беларуску. Суддзя Аляксей Бычко адхіліў хадайніцтва, а затым пакінуў скаргу Лойкі без задавальнення.
Нагадаем, 21 лютага каля ганка сталічнай гімназіі № 4 грамадзянскі актывіст, скульптар Генік Лойка разгарнуў плакат з надпісам «Віншую з Днём роднай мовы. Гімназія № 4 была апошняй з беларускай мовай навучання». За гэтую акцыю скульптара прысудзілі да арышту тэрмінам у 5 сутак.
Фота: «Наша Ніва»