Жыхар вёскі пад Драгічынам учыніў самаспаленне

• 26.03.2013, 15:29

Трагедыя адбылася ў мінулую нядзелю.

Позна ўвечары ў адной з аддаленых вёсак Асавецкага сельсавета мужчына абліў сябе бензінам і падпаліў запалкамі, паведамляе «Дрогичинский вестник». Ён быў работнікам мясцовага сельгаскааператыва. Вясковец з моцнымі апёкамі (каля 80% цела) быў дастаўлены ў раённы шпіталь, дзе і памёр.

Што паслужыла прычынай такога ўчынку з боку 50-гадовага мужчыны - зараз высвятляюць супрацоўнікі раённага аддзела Следчага камітэта.

Гэта не першы выпадак самаспалення ў апошні час. У студзені менская пенсіянерка паспрабавала падпаліць сябе і была дастаўленая з апёкамі ў шпіталь.

Фотa - rln.fm