Праз страйк «Луфтганзы» скасаваны рэйс Менск - Франкфурт

• 20.03.2013, 20:55

Праз страйк супрацоўнікаў нямецкай авіякампаніі «Луфтганза» 21 сакавіка скасаваны рэйс LH 1489 Менск - Франкфурт.

Вылет планаваўся а 7.00, прыбыццё - а 7.35 паводле мясцовага часу, піша БелаПАН.

Да страйку заклікаў прафзвяз «Вэрдзі», які патрабуе павелічэння заробку для 33 тысяч работнікаў «Люфтганзы» і ўзмацнення іх абароны ад неабгрунтаваных звальненняў.

Усяго ў чацвер скасавана некалькі сотняў унутраных і міжнародных рэйсаў «Люфтганзы», у тым ліку ў Літву, Украіну і Расею.