Тарыфы на міжсеткавыя званкі будуць зніжаныя

• 19.03.2013, 17:18

У Беларусі будуць зніжаныя тарыфы на міжаператарскае злучэнне на рынку сотавай сувязі.

Пра гэта БелТА паведаміў міністр сувязі і інфарматызацыі Мікалай Панцялей.

«Для выканання гэтага ў Мінсувязі ідзе падрыхтоўчая праца», - канстатаваў кіраўнік ведамства.

Як раней тлумачыў Мікалай Панцялей, асноўнае пытанне, якое спецыялісты Міністэрства сувязі і інфарматызацыі плануюць вырашыць, заключаецца ў механізме зніжэння тарыфаў на міжсеткавыя званкі. Гэта павінна адбіцца на кошце паслуг для канчатковых абанентаў і іх магчымасці выкарыстоўваць перавагі канкурэнтнага асяроддзя.

Па словах міністра, прынятыя раней дзеянні ў галіне асіметрычных тарыфаў і паслугі пераносу абаненцкага нумара, звязаныя з ініцыятывамі самага маладога ў Беларусі сотавага аператара, чаканага выніку не далі.