«Рэпарцёры без межаў»: Пачобута ўсё роўна могуць арыштаваць

• 19.03.2013, 17:17

Міжнародная арганізацыя «Рэпарцёры без межаў» выступіла з заявай у сувязі з закрыццём другой крымінальнай справы супраць беларускага журналіста Анджэя Пачобута.

«Рэпарцёры без межаў» вітаюць рашэнне закрыць крымінальную справу аб паклёпе на Лукашэнку, якая была ўзбуджаная супраць Анджэя Пачобута ў чэрвені 2012 года.

Беларускі карэспандэнт польскага выдання «Gazeta Wyborcza», тым не менш, па-ранейшаму адбывае тры гады турэмнага зняволення з адтэрміноўкай, якія ён атрымаў у 2011 годзе ў аналагічным абвінавачванні.

«Мы заклікаем улады адмяніць ранейшы прысуд Пачобуту, які быў відавочна палітычным, адмовіцца ад любога іншага судовага разбору і дазволіць яму выехаць за мяжу», - заяўляюць «Рэпарцёры без межаў» (пераклад - charter97.org).

«Артыкулы 367, 368, 369 і 369.1 Крымінальнага кодэкса (паклёп і абраза службовай асобы, прэзідэнта і дыскрэдытацыя рэспублікі) і іншыя артыкулы, якія абмяжоўваюць свабоду слова, павінны быць адмененыя. Спынення крымінальнай справы супраць аднаго з журналістаў, які знаходзіцца пад ціскам, не дастаткова», - адзначаюць праваабаронцы.

Калі Пачобут быў арыштаваны 21 чэрвеня 2012 года, ён быў абвінавачаны ў паклёпе на Лукашэнку ў адпаведнасці з артыкулам 367.2 Крымінальнага кодэкса РБ. Лінгвісты, якія даследавалі артыкулы, напісаныя для сайта сharter97.org і «Белорусского партизана», нібыта знайшлі выразы, якія «абражаюць кіраўніка дзяржавы» і «дыскрэдытуюць рэспубліку».