У Сірыі забіты еўрапейскі дыпламат

• 13.03.2013, 15:19

Служачы прадстаўніцтва Еўразвяза ў Сірыі Ахмад Шыхадэх загінуў у Дамаску падчас ракетнага абстрэлу.

Пра гэта паведаміла вярхоўная прадстаўніца ЕЗ у замежных справах і палітыцы бяспекі Кэтрын Эштан, паведамляе ВВС.

Паводле слоў Эштан, Шыхадэх быў забіты падчас раздачы гуманітарнай дапамогі ў прадмесці Дамаска Дэрае.

Як адзначыла вярхоўная прадстаўніца ЕЗ, Шыхадэх быў вядомы сваёй мужнасцю і самаахвярнасцю.