Расейскі анколаг: Чавеса не маглі «заразіць» ракам

• 11.03.2013, 12:12

Захварэць на рак у выніку ўздзеяння вірусаў або іншых знешніх прычын немагчыма.

Таму ракавае захворванне венесуэльскага кіраўніка Уга Чавеса не магло быць вынікам чыёй-небудзь «дыверсіі». Такую заяву зрабіў намеснік дырэктара Расейскага анкалагічнага навуковага цэнтра імя Блахіна Міхаіл Лічыніцэр, паведамляе РІА «Новости».

Нагадаем, Уга Чавес памёр 5 сакавіка ва ўзросце 58 гадоў. Ён змагаўся з анкалагічным захворваннем з сярэдзіны 2011 года. Віцэ-прэзідэнт Нікалас Мадура абвінаваціў у хваробе Чавеса знешніх ворагаў Венесуэлы. Паводле яго слоў, нават «засталіся адпаведныя сляды». Аднак расейскі навуковец цалкам адмаўляе такую магчымасць.