У гродзенскай школе спаборніцтвы па бегу праводзілі на праезнай частцы

• 5.02.2013, 15:36

Настаўнікі са школьнікамі самастойна перакрылі рух на адной з вуліц Гродна.

У суботу, 2 лютага, у школе № 20 праходзілі спаборніцтвы па бегу. Але стадыён школы ў той дзень быў абледзянелы, і спаборніцтвы вырашылі праводзіць на праезнай частцы вуліцы Дзекабрыстаў, паведамляе партал Autogrodno.

Недалёка ад старту і фінішу спаборніцтваў прама на праезнай частцы стаялі настаўнікі і дзеці і не давалі кіроўцам праехаць далей па вуліцы. Пры гэтым, у іх нават не было ні флікераў, ні святлоадбівальных камізэлек.