Лукашэнку чакаюць у Іране

• 5.02.2013, 11:45

У Іране разлічваюць, што беларускі дыктатар наведае з візітам гэтую краіну.

Пра гатоўнасць уладаў прыняць яго паведаміў амбасадар Ірана ў Беларусі Махамад Рэза Сабуры, перадае «Інтэрфакс».

«Мы некалькі разоў запрашалі Лукашэнку наведаць з візітам Іран. І калі я з ім сустрэнуся, я спытаю ў яго, на які час ён плануе гэты візіт», - паведаміў амбасадар у аўторак на прэс-канферэнцыі ў Менску.

Такім чынам ён адказаў на пытанне аб меркаваных тэрмінах візіту Лукашэнкі ў Іран.