Квасьнеўскі вырашыў вярнуцца ў палітыку

• 26.02.2013, 20:23

Экс-прэзідэнт Польшчы Аляксандр Квасьнеўскі абвясціў пра намер удзельнічаць у падрыхтоўцы да выбараў у Еўрапарламент у траўні 2014 года.

«Польская дэмакратыя патрабуе моцнага левага цэнтра, - сказаў Квасьнеўскі на прэс-канферэнцыі ў Варшаве. - Я гатовы ўзяць на сябе працу па фарміраванні як раз такога сумеснага левацэнтрысцкага спісу Еўрапейскага парламента».

Ён дадаў, што сам яшчэ не прыняў рашэнне балатавацца ў Еўрапарламент, перадае РІА «Новости».

Партнёрам па новай выбарчай ініцыятыве Квасьнеўскі абраў Рух Палікота, які заняў трэцяе месца на выбарах у сейм восенню 2011 года. Да гэтага ён распачаў спробу аб'яднання з былымі аднапартыйцамі са Звяза дэмакратычных левых сіл, але дамовіцца не атрымалася.

Таксама да фарміравання выбарчага спісу Квасьнеўскі прыцягнуў двух сваіх старых паплечнікаў - дэпутат Еўрапарламента Марэк Сівец і сябра партыі Звяз дэмакратычных левых сіл Рышарда Каліша.

Нагадаем, Квасьнеўскі, які займаў пасаду прэзідэнта з 1995 па 2005 год, абвясціў пра адыход ад палітыкі ў 2007 годзе пасля няўдачы створанага пры яго ўдзеле палітычнага блока на выбарах у польскі сейм.