Google абвінавацілі ў дапамозе піратам

• 26.02.2013, 10:08

Амерыканская асацыяцыя гуказапісу (RIAA) заявіла, што самы папулярны ў свеце інтэрнэт-пошукавік Google не выконвае раней узятыя на сябе абавязанні.

На думку RIAA, пірацкія рэсурсы па-ранейшаму займаюць першыя радкі ў пошукавай выдачы пошукавіка, хоць інтэрнэт-кампанія абяцала хаваць іх.

У жніўні мінулага года Google запэўніла праваўладальнікаў, што рэсурсы, на якія тыя часта скардзяцца, не будуць адлюстроўвацца ў першых радках пошукавай выдачы, але, з ацэнкі RIAA, за паўгода так нічога і не змянілася, піша crmdaily.ru.

Раней прадстаўнікі Google паведамілі, што кожны тыдзень пошукавік атрымлівае блізу 3-4 мільёнаў патрабаванняў праваўладальнікаў на выдаленне спасылак з пошукавай выдачы і проста не спраўляецца з іх апрацоўкай.