З 21 лютага ў кінатэатрах - «У тумане» паводле аповесці Быкава

• 21.02.2013, 11:15

У чацвер на экраны Беларусі выходзіць фільм Сяргея Лазніцы, зняты паводле аповесці народнага пісьменніка.

Фільм паспеў трыумфальна «пракаціцца» па міжнародных фестывалях, трапіў у Каны, піша «Наша Нiва».

Як казаў у інтэрв'ю сам рэжысёр, аповесць Васіля Быкава ён узяў таму, што яго прыцягвае экзыстэнцыйная драма. Быкаў цікавіць Сяргея Лазніцы сваёй філасофіяй, сітуацыяй, калі чалавек стаіць перад выбарам, і выбар гэты максімальна цяжкі.